Ənənəvi Sərhəd-Sipər əməliyyatı ərəfəsində Azərbaycan və Dağıstan Respublikalarının daxili işlər nazirliklərinin  nümayəndə heyəti  Rusiyada görüşür.

İstiPress-in Şimal bürosunun məlumatına görə, bu gün səhər saat 10 radələrində Qusarın Samur keçid məntəqəsindən  Azərbaycan daxili işlər nazirinin müavini  Vilayət Eyvazovun başçılıq etdiyi nümayəndə heyəti Dağıstana yola düşüb. Nümayəndə heyətinə DİN-in Baş Mütəşəkkil Cinayətkarlığa qarşı Mübarizə İdarəsinin rəisi Seyfulla Əzimov, sərhədyanı rayonların polis rəisləri daxildir.

Azərbaycan nümayəndə heyətinin rusiyalı həmkarları ilə birgə əməkdaşlığa dair, mütəşəkkil cinayətkarlığa, narkobiznesə, terrorizmə qarşı birgə mübarizə tədbirlərini müzakirə edəcəyi, hər il keçirilən sərhəd-sipər əməliyyatının təşkili və qarşıdakı duran vəzifələri müzakirə edəcəkləri gözlənilir.

Sərhəd-sipər əməliyyatının başlama tarixi də bu Mahaçqala görüşündə müəyyən olunacaq.