Dəyərli dostlar! Erməni daşnaklarının əli ilə Özbəkistan prokrorluğu Türk dünyasının dəyərli aydını Şuxrat Barlosa qarşı cinayət işi qaldırıb. Bu həfətənin axırında onu məhkəməyə göndərəcəkdir. Bu məhkəmə bütün Türk dünyasının diqqətində olmalıdır. Çünki Şuxrat Barlas erməni qatillərinin iş üzünü açmış, onların törətdikləri vəhşilikləri faktlarla ortaya qoymuşdur. Rusiyanın əli ilə qızışdırılan bu daşnaklar Fərqanədə minlərlə türkü qanına qəltan etmişlər. Şuxrat Hoca da yazdığı kitabda bu qətliamları təsvir edərək Qarabağa, Şərqi Aandoluya qədər təqdim etmişdir. Bu gün erməni qatilləri bütün dünya tərəfindən qatil kimi tanınmaqdadır. Dövləti olmayan, onun-bunun artığından yaranan bu millət özünün çirkin simasını göstərməkdə davam edir. Təəssüf ki, Özbəkistan dövləti onların iddialarına səs verib, belə bir Türk aydınını həbsxanaya atmaq istəyir. Biz bu addımın qarşını almalıyıq. Bunu yalnız həmrəyliklə etmək olar. Çox təəssüf edirəm ki, nə Türkiyə, nə də Azərbaycan rəsmilərindən bu haqda açıqlama yoxdur. Bu isə yalnız təəssüf hissi yaradır. 

Dəyərli, aydınlarımız! Sizləri bu müdafiyə səsləyirik. Biz, Bütöv Azərbaycan Ocaqları olaraq imza kampaniyasına başlayacağıq. Sizləri bizə yardımçı olmağa çağırırıq!

 

AMEA Tarix İnstitutunun aparıcı elmi işçisi, tarix üzrə fəlsəfə doktoru 

 

Özbək tarixçi İlham Əliyevdən kömək istədi - MÜRACİƏT

Tanınmış özbək tarixçi-publisisti Şuxrat Salamov (Şuxrat Barlas) Özbəkistan Respublikasının Prezidenti Şavkat Mirzyayevə və Azərbaycan Respublikasının Prezidenti İlham Əliyevə müraciət edib.

"Özbəkistan Respublikasının Prezidenti Şavkat Miromonoviç Mirzyayevə,

Azərbaycan Respublikasının Prezidenti İlham Heydər oğlu Əliyevə

Surəti:

Özbəkistan Respublikasının Təhlükəsizlik Xidmətinə

Azərbaycan Respublikasının Dövlət Təhlükəsizlik Xidmətinə

Azərbaycan Respublikasının Özbəkistandakı fövqəladə və səlahiyyətli səfirinə

İcazənizlə adi vətəndaş kimi qeyd etmək istəyərdim ki, Sizin böyük səyləriniz sayəsində əzəli Özbəkistanın ilk prezidenti İslam Kərimov və Azərbaycanın ümumimilli lideri Heydər Əliyev tərəfindən qoyulan iki xalqın və dövlətin sosial-siyasi və mədəni-iqtisadi əlaqələri bu gün də yüksələn xətt üzrə davam etməkdədir. Özbəkistanın və Azərbaycanın xarici və daxili siyasəti özbək və Azərbaycan xalqlarının arasındakı qarşılıqlı hörmətə və dostluğa söykənir.

Sizdən xahiş edirəm ki, ünvanıma və şəxsimə edilən , məruz qaldığım təhqirlər, təhdidlər və hədələrdən məni qoruyasınız. Mənim sonuncu kitablarım çıxana qədər belə təhdidlər və hədələrlə rastlaşmamışdım. 2016-cı ilin dekabr ayının axırlarından başlayaraq, sosial şəbəkələr və saytlarda barəmdə böhtan və şər dolu məqalələr dərc olunmağa başladı. Bu məqalələri dərc edənlər Azərbaycan və Özbəkistan arasındakı inamlı və mehriban dostluq əlaqələrinə xələl gətirəcəklərini düşünürlər. Bütün bu təhdidlər də erməni terrorizmi haqqında yazdığım elmi-publisist kitablarım "Türküstan və Cənubi Qafqaz XIX-XX əsrlərdə. Daşnaklar: Fərqanədən Qarabağadək” və "Qarabağ: ideyalar müharibəsi” işıq üzü görəndən sonra başlayıb. Erməni daşnakı xislətində olanlar bizim tariximizin heç bir akademik müzakirəsini məqbul hesab etmirlər. Kitabımda yer alan tezisləri normal insani münasibətləri müstəvisində müzakirə etmək əvəzinə, öz ölkəmdə mənim rahat yaşamağıma, iki xalqın tarixi həqiqətlərini yazıb yaratmağıma mane olur, məni hədələyirlər.

Onlar dayanmadan məni falsifikasiya, milliyyətçilikdə, pantürkizm, fırıldaqçılıqda ittiham edərək, haqqımda əsassız böhtanlar yayır, məni ekstremist qruplarla əlaqədə olduğumu yazaraq, şərəf və ləyaqətimi təhqir edirlər. Şəxsimə yönələn belə təhqirlər və böhtanlar səbəbindən ailəmin də rahatlığı əlindən alınıb, normal şəraitdə işləyib, yarada bilmirəm.

Yuxarıda qeyd etdiyim halları nəzərinizə çatdırmaqla, Sizdən xahiş edirəm ki, iki xalqın dostluğu və qardaşlığı naminə mənə yardım edəsiniz. AMEA-nın A.Bakıxanov adına Tarix İnstitutu tərəfindən təltif olunduğum Fəxri doktor adına rəğmən Azərbaycan Respublkasının Elmlər Akademiyasından mənim hüquqlarımın və təhlükəsizliyinin qorunması üçün şərait yaradılmasını istəyirəm.

Ümid edirəm ki, yuxarıda göstərdiklərimə əsasən düşdüyüm vəziyyətdən xilas olmaq, həyatımın təhlükəsizliyin təmin edilməsi üçün mənə mənəvi dəstək olacaqsınız. Mən də öz növbəmdə həmişəki kimi bizi istəməyənlərə Azərbaycan və Özbəkistan Respublikaları arasında, xalqımızın arasında olan qədim dostluq və qardaşlıq münasibətlərinin araşdırılıb dünyaya çatdırılmasında əlimdən gələni edəcəyəm.