Bakerlərimiz Avropada - VİDEO

Motoyürüşçülərimiz vaxtaşırı yüksək dağların və sıldırım qayaların altından keçən tunelli yollarla səfərlərinə davam edirlər

Milli Qurtuluş günü münasibətilə, “Azərbaycanı Avropada tanıdaq!” devizilə 10 000 km-lik motoyürüşə çıxaraq Xorvatiyaya çatan baykerlərimizin yeni video görüntüləri yayılıb. Vətəninfo.az-ın ANS PRESS-ə istinadən verdiyi məlumata görə, baykerlərdən birinin həvəskar kamera ilə lentə aldığı görüntülərdə motoyürüşçülərimiz vaxtaşırı yüksək dağların və sıldırım qayaların altından keçən tunelli yollarla səfərlərinə davam edirlər. 

İyunun 7-də yola çıxan “Harley Davidson” sahibləri Xorvatiyada keçiriləcək festivalda iştirak edəcəklər. Dünyanın əksər ölkələrinin baykerlərinin bir araya gələcəyi “Harley Davidson” festivalında ilk dəfə olaraq Azərbaycanı “Harley Davidson”un Bakı klubu təmsil edəcək.

“Azərbaycanı Avropada tanıdaq!” devizi altında başlayan motoyürüş iştirakçıları İstanbulda, Belqradda və digər Avropa şəhərlərində Azərbaycana aid abidələri ziyarət edib.

Baykerlər Xorvatiyada keçiriləcək tədbirdə Xocalı faciəsi, Dağlıq Qarabağ problemi və Azərbaycan haqqında Heydər Əliyev Fondunun təqdim etdiyi broşurları və kitabları paylayacaqlar. 

Qeyd edək ki, motoyürüş “Harley Davidson Baku”nun təşkilatçılığı, ANS TV-nin informasiya dəstəyilə həyata keçirilir. 

Vətəninfo.az