Bakıda bacı və qardaşı bıçaqlayan şəxs qızın nişanlısı imiş – Təfərrüat

Bu gecə Bakının Səbail rayonunda törədilmiş qətlin bəzi təfərrüatları məlum olub.

Vətəninfo.az lent.az-a istinadən xəbər verir kiu, Bibiheybət qəsəbəsi, 2-ci Bibiheybət döngəsi, ev 19-da 24 yaşlı Elvin Hüseynlini bıçaqlayaraq öldürən şəxs, 1981-ci il təvəllüdlü Mustafayev Rasim Teymuraz oğlunun tutularaq məsuliyyətə cəlb edilməsi istiqamətində iş aparılır.

Bildirilir ki, R.Mustafayev E.Hüseynlinin bacısı Türkanın nişanlısı olub. Bu gecə 34 yaşlı Rasim onların evinə gəlib və bacı ilə qardaşı bıçaqlayıb. 

E.Hüseynli xəstəxanaya aparılarkən keçinib. T.Hüseynova isə ambulator müalicəyə yazılıb.

Cinayətin hansı səbəbə görə törədildiyi bilinmir.

Faktla bağlı cinayət işi açılıb.