Bakıda yanan evdən meyit tapıldı

Bakı sakini bədbəxt hadisə nəticəsində ölüb.

Vətəninfo.az-ın Daxili İşlər Nazirliyinin saytına istinadən verdiyi məlumata görə, dekabrın 28-də saat 19.00 radələrində Nəsimi rayonunda Natalya Nikiforovaya məxsus mənzildə yanğın baş verib.

Nəticədə 1 kv.m sahədə mənzilin yanar konstruksiyaları və oradakı əşyalar yanıb.  Tüstudən zəhərlənmə ilə xəstəxanaya yerləşdirilən N. Nikiforova isə orada ölüb.