BANM tələbələri Birinci Avropa Oyunlarında könüllü olacaqlar

Vətəninfo.az xəbər verir ki, “Bakı-2015” Birinci Avropa Oyunları ərəfəsində Bakı Ali Neft Məktəbində könüllülük fəaliyyəti ilə bağlı təlim keçirilib. BANM-nin Tələbələrlə iş şöbəsinini rəisi və BANM Həmkarlar İttifaqının sədri Həbibə Sadıqlı çıxış edərək, tələbələrə könüllülük fəaliyyəti ilə bağlı məsləhətlər verib.
BANM-nin Tələbə Həmkarlar İttifaqının sədri Rəvan Adilov Azərbaycanda həyata keçirilən uğurlu gənclər siyasətindən danışıb, gənclər təşkilatları və onlarda könüllü əsaslarla iştirak imkanları ilə bağlı məlumat verib. Təlimdə həmçinin, “Bakı-2015” Birinci Avropa Oyunlarında iştirak edəcək könüllü tələbələr hazırlıq mərhələsi dövründə fəaliyyətləri barədə ətraflı məlumat vermişlər. Təlim zamanı ortaya çıxan suallar cavablandırılıb.

Vətəninfo.az