Berti Foqts Bakıda pul qazanıb, Almaniyada qolf oynayır

Almaniyada keçirilən qolf üzrə ənənəvi Freudenstadt Traube Tonbach-Cup turnirinə yekun vurulub. "Vətəninfo.az"ın məlumatına görə, yarışda milli komandamızın baş məşqçisi Berti Foqts da iştirak edib.

Sabiq yetirməsi Ştefan Kunts, tanınmış məşqçi Horst Koppel və digər məşhurların qatıldığı turnirin debütantları sırasında millimizin digər üzvü də olub. Bu, yığmamızın qapıçılarla işləyən məşqçisi Uli Ştayndır.

Lakin Foqts və Ştayn mükafatçılar sırasına düşə bilməyib. Ştaynın nəticəsi açıqlanmasa da, Foqts 21 xalla B qrupunda 23-cü olub.