Beyləqanda qəza: 2 ölü, 3 yaralı

Beyləqanda ölümlə nəticələnən ağır yol qəzası baş verib.

Vətəninfo.az-ın Daxili İşlər Nazirliyinin saytına istinadən verdiyi məlumata görə, hadisə oktyabrın 21-də saat 18 radələrində Beyləqan rayonunun Bünyadlı kəndində qeydə alınıb. Cəbrayıl rayon sakini Eldəniz Tumasquliyevin və Şərq qəsəbə sakini  İlkin Məsimovun idarə etdikləri “VAZ” markalı avtomobillər toqquşub. E.Tumasquliyevin sərnişini - Füzuli rayon sakini Arzuman Xankişiyev və İ.Məsimovun sərnişini - İmişli rayon sakini  Alim Tağıyev hadisə yerində ölüb. Hər iki sürücü və E.Tumasquliyevin digər sərnişini xəstəxanaya yerləşdirilib.

 

Faktla bağlı Beyləqan Rayon Polis Şöbəsi tərəfindən araşdırma aparılır.