Biləcəridə partlayış: 1 ölü 4 yaralı

Bu gün Binəqədi rayonu, Biləcəri qəsəbəsində hündürmərtəbəli yaşayış binasının birinci mərtəbəsində partlayış hadisəsi baş verib.

Vətəninfo.az Fövqəladə Hallar Nazirliyinə istinadən xəbər verir ki, dərhal xilasetmə qüvvələri hadisə yerinə cəlb edilib. İlkin məlumata əsasən, dağıntılar altından bir nəfər kişi cəsədi aşkar edilərək çıxarılıb, dörd nəfər xəsarət alan insan isə Təcili Tibbi Yardım Xidmətinə təhvil verilib. Hazırda hadisənin nəticələrinin aradan qaldırılması istiqamətində işlər davam etdirilir. Əlavə məlumat veriləcək.