Bir ailənin 4 üzvü qazdan zəhərlənib

Bakıda bir ailənin 4 üzvü qazdan zəhərlənib.

Daxili İşlər Nazirliyinin mətbuat xidmətindən Vətəninfo.az-a verilən məlumata görə, zəhərlənmə hadisəsi Qaraçuxur qəsəbəsində qeydə alınıb.

 
Qəsəbədə yaşayanlar Səlmi Əlnəzərova, oğlu Tahir, onun arvadı Günel Quliyeva və oğlu Ümüd dəm qazından zəhərlənib. Onlara xəstəxanada ilkin tibbi yardım göstərilib.


Qeyd edək ki, ötən gün Binəqədi rayonunda da iki nəfər dəm qazının qurbanı olub. Nişanlı olan Yusifə Mirzəyeva və Ceyhun Ələsgərov yaşadıqları evdə dəm qazından boğularaq ölüblər.


Araşdırma aparılır.