Bu gün 7 idmançımız medal üçün döyüşəcək

Bu gün London Olimpiadasında Azərbaycanı 7 idmançı təmsil edəcək.

Bunlar yarımfinala adlayan boksçularımız Teymur Məmmədov və Məhəmmədrəsul Məcidovdur. İdmançılarımız bu gün yarımfinal görüşünə çıxacaqlar.

Taekvondo üzrə Olimpiadaya gedən hər iki idmançımız bu gün 1/8 final mərhələsindən mübarizəyə qoşulacaq. 

Kanoeçimiz Valentin Demyanenko təknəfərlik qayıqla gücünü sınayacaq.

Dünən mübarizəyə başlayan gimnastımız Aliyə Qarayeva bu gün gürz və iplə kompozisiyalar nümayiş etdirəcək.

Bu gün çıxış edəcək daha bir olimpiyaçımız sərbəst güləşçi Əşrəf Əliyevdir.

Taekvondo, 1/8 final

13:15. Ramil Əzizov – Stiven Lopez (ABŞ) (80 kq) 

16:30. Fəridə Əzizova – Karin Sergeri (Kanada) (67 kq)

Kanoe, 1 nəfərlik qayıqla 200 m

13:51. Valentin Demyanenko - təsnifat mərhələsi

15:30. Yarımfinal mərhələsi

Bədii gimnastika, çoxnövçülük, təsnifat mərhələsi

16:00. Aliyə Qarayeva 

Sərbəst güləş, 1/16 final

17:00. Əşrəf Əliyev – Sohsuke Takatani (Yaponiya) (74 kq) 

Boks, 1/2 final

19:45. Teymur Məmmədov – Klemente Russo (İtaliya) (91 kq) 

02:30. Məhəmmədrəsul Məcidov – Roberto Kammarelli (İtaliya) (+91 kq) 

Qafqazinfo