Cənubi Osetiya da Rusiyaya birləşdirilir

"Bizim Rusiya ilə sıx əlaqələrimiz var. Cənubi Osetiya Rusiyanın tərkibinə qatıla bilər. Hazırda bununla bağlı işlər gedir".

Vətəninfo.az  ANS PRESS-ə istinadən xəbər verir ki, bunu qondarma Cənubi Osetiya respublikasının prezidenti Leonid Tibilov deyib. Onun sözlərinə görə, Cənubi Osetiya Rusiyaya inteqrasiya istiqaməti üzrə görülən işləri sürətləndirib.

“İnteqrasiya Cənubi Osetiyanın Rusiyanın tərkibinə qatılmaq üçün ciddi mərhələlərdən biridir. Rusiyaya birləşmək hər birimizin istəyidir. Əvvəllər də demişəm ki, biz Rusiya ilə vahid şəkildə olmalıyıq. Bu tarixi an baş tutmalıdır”, Leonid Tibilov bildirib.

Cənubi Osetiyanın Rusiyaya hansı yolla birləşdirilməsinə gəlincə, L.Tibilov deyib ki, parlamentdə əksər deputatlar bunun referendum yolu ilə həyata keçirilməsini təklif edir: “Yeni parlament Cənubi Osetiyanın Rusiyanın tərkibinə qatılması ilə bağlı rəsmi Moskvaya müraciət edə bilər”.

Qeyd edək ki, bu ay qondarma Cənubi Osetiya respublikasında parlament seçkiləri keçiriləcək.

Vətəninfo.az