DÇ-nin daha bir yarımfinalçısı bəlli oldu

Braziliyada futbol üzrə XX dünya çempionatında dörddəbir final mərhələsinin növbəti oyunu keçirilib.

Vətəninfo.az xəbər verir ki, iyulun 5-də Brazilia şəhərindəki “Nasional” stadionunda Argentina və Belçika yığmaları qarşılaşıblar.

İtaliyalı baş hakim Nikola Ritsolinin idarə etdiyi görüş Argentina millisinin minimal hesabla qələbəsi ilə başa çatıb. Oyunda yeganə qolu matçın 8-ci dəqiqəsində Hiquan vurub.

Beləliklə, rəqibini 1:0 hesabı ilə məğlub edən Argentina komandası dünya çempionatının yarımfinal mərhələsinə yüksəlib. Növbəti mərhələdə Argentina komandası Hollandiya və Kosta-Rika qarşılaşmasının qalibi ilə görüşəcək.

Vətəninfo.az