DİN dəhşətli qətl haqqıpnda məlumat yaydı

Arvadı Məhsətini və qayınanası Lalə Əliyevanı qətlə yetirmiş Sumqayıt şəhər sakini Cəmaləddin Surətov intihar edib.

Daxili İşlər Nazirliyinin mətbuat xidmətindən Vətəninfo.az-a verilən məlumata görə, dekabrın 23-də Sumqayıt şəhər sakini C.Surətov Lerik şəhərində yaşayan qayınanası L.Əliyevanın evində olarkən ailə-məişət münaqişəsi zəminində tüfəngdən açdığı atəşlə arvadı Məhsətini və qayınanasını qətlə yetirib, sonradan Perzəkücə kəndində yaşayan atası Cəbrayılın evinə gedərək orada tüfəngdən açdığı atəşlə özünü də öldürüb.

Lerik RPŞ əməkdaşları tərəfindən hadisə yerindən “Churchill” (Vinçester) markalı tüfəng götürülüb.

Faktla əlaqədar cinayət işi başlanılıb.

Araşdırmalar aparılır.