Donbasdakı vəziyyət Dağlıq Qarabağ münaqişəsi kimi “dondurulmuş münaqişə” vəziyyətinə gətiriləcək

 "Donbasdakı vəziyyət Dağlıq Qarabağ, Dnestryanı, Abxaziya və Cənubi Osetiya  münaqişələri kimi "dondurulmuş münaqişə” vəziyyətinə gətiriləcək". 

Vətəninfo.az-ın APA-ya istinadla xəbərinə görə, bunu Ukraynanın sabiq prezidenti, üçtərəfli təmas qrupunun ukraynalı həmsədri Leonid Kuçma deyib.  

 

"Görün, müxtəlif səviyyələrdə nə qədər komissiyalar yaradılıb. Nə olsun? Heç olmazsa, bircə problem həll olunubmu? Xeyr. Problemin həlli istiqamətində, tunelin sonunda, bir işıq görünürmü? Xeyr. Gürcüstan, Moldova və Azərbaycanda olan bu problemlərin belə vəziyyətdə qalması, sanki, dünyanı qane edir. Getdikcə Ukraynadakı hadisələr beynəlxalq ictimaiyyətdə daha az səslənir. Avropa KİV-lərində Ukraynada baş verən hadisələr, demək olar ki, daha işıqlandırılmır”, deyə o qeyd edib.     

 

Ukraynanın Donbasdakı vəziyyətin "dondurulmuş münaqişə” vəziyyətinə gətirilməsini qəbul edib-etməyəcəyinə dair sula cavabında Kuçma hazırda baş verənlərin məhz münaqişənin dondurulmasına doğru getdiyini vurğulayıb.