Əfsanəvi futbolçu vəfat edib

“Real”ın (Madrid) əfsanəvi futbolçusu olmuş Alfredo di Stefano 88 yaşında vəfat edib.

Vətəninfo.az xəbər verir ki, ötən gün infarkt keçirən və süni komada olan di Stefanonun həyatını xilas etmək mümkün olmayıb.

Qeyd edək ki, di Stefano futbolçu karyerasına 17 yaşında "River Pleyt" klubunda başlayıb. Argentina klubu ilə 6 dəfə ölkə çempionu olan əfsanəvi oyunçu 1953-ci ildə "Real"a transfer olunub. O, 1953-1964-cü illərdə şərəfini qoruduğu Madrid klubunda 208 qol vurub.

1957 və 1959-cü illərdə "Qızıl top" mükafatına layiq görülən di Stefano 40 yaşında futbolçu karyerasını başa vurub.

Vətəninfo.az