Əkbər Əlizadənin etdiyi hərəkət normal haldır

"Şou xarakterli verilişlərdə müəyyən kənara çıxmalar ola bilər. Qonşu Türkiyədə və digər dövlətlərdə yayımlanan şou xarakterli verilişlərdə belə hallar baş verir. "Space” telekanalının "Hər səhər” verilişinin aparıcısı Əkbər Əlizadənin efirdə etdiyi hərəkət normal haldır”.

 Vətəninfo.az APA-ya istinadla xəbər verir ki, bunu Milli Televiziya və Radio Şurasının (MTRŞ) aparat rəhbəri Toğrul Məmmədov deyib.

 O, bildirib ki, "Space” telekanalının "Hər səhər” verilişində hər hansı bir qanun pozuntusu müşahidə olunmayıb: "Verilişdə "Televiziya və radio yayımı haqqında” qanunun 32-ci maddəsi, yəni proqrama verilən tələblər pozulmayıb”.

 

Qeyd edək ki, "Space” telekanalının "Hər səhər” verilişinin aparıcısı, əməkdar artist Əkbər Əlizadə efirdə salto vurub.