Əlcəzairdən möhtəşəm qələbə-VIDEO

Vətəninfo.az  xəbər verir ki, Braziliyada futbol üzrə 2014 - Dünya Çempionatı çərçivəsində növbəti oyun keçirilib. Portu-Aleqridəki “Beira-Rio” stadionunda “H” qrupu çərçivəsində Əlcəzair və Koreya Respublikası yığmaları qarşılaşıblar.

Kolumbiyalı baş hakim Vilmar Roldonun idarə etdiyi qarşılaşma Əlcəzair millisinin 4:2 hesablı qələbəsi ilə başa çatıb. Oyunda Əlcəzair millisinin heyətində Abdelmoumene Djabou, Rafik Halliçe, İslam Slimani, Yacine Brahimi, rəqib komandadan isə Son Heungmin və Ku Jacheol fərqləniblər. Qeyd edək ki, hər iki komanda çempionatda ikinci oyununu keçirib.

İlk oyunda Əlcəzair millisi Belçikaya 1:2 hesabı ilə uduzub, Rusiya – Koreya Respublikası oyunu isə 1:1 hesablı heç-heçə ilə yekunlaşıb. Bu, Əlcəzairin 32 ildən sonra ilk qalibiyyəti olub. Həmçinin Əlcəzair DÇ – 2014 kubokunda ən çox qol vuran Afrika komandası olub.

Vətəninfo.az