Vətəninfo.az Axar.az-a istinadən xəbər verir ki, Xırdalan şəhəri Heydər Əliyev prospektində, Əlillər binasının qarşısında naməlum avtomobil bina sakinini vurub və hadisə yerindən qaçıb. Nəticədə 1962-ci il təvəllüdlü Əliyeva Ellada Məmmədqasım qızı hadisə yerində ölüb. Mərhumun həyat yoldaşının əlil olduğu bildirilir. Hüquq-mühafizə orqanları hazırda qəzaya səbəb olan avtomobilin axtarışı ilə məşğuldur.