"Təmiz Dünya" Qadınlara Yardım İctimai Birliyinin rəhbəri Mehriban Zeynalova Cebhe.info-ya bildirib ki, ana ikinci nikaha görə övladından imtina edir: "Uşaqdan o halda imtina edərlər ki, ana çıxılmaz vəziyyətdə olsun, heç bir yerdən dəstək almasın. Amma bir neçə gündə sosial şəbəkələrdən Sənubər Rzayevaya kifayət qədər dəstək edənlər oldu. Uşağı üçün paltar və qidalar gətirildi. Onu övladından imtina etmək fikrindən döndərməyə çalışsaq da, qadın uşağını körpələr evinə verməyə israrlıdır. Sənubər Rzayevanın dediyinə görə, ikinci həyat yoldaşı ona deyib ki, uşaq onlara uğur gətirməyib. Qadın əri ilə yaşamaq istəsə də, faktiki ailə deyilən bir şey yoxdur. Kişi evlidir. Xanım isə çalışır ki, hər vəchlə kişi onun yanında qalsın. Əslində isə özü də birinci nikahından rəsmi ayrılmayıb”.