Ermənistanda cəmi 12 Mİ-24 var idi, 11-i qaldı

Bu gün cəbhənin Ağdam istiqamətində Ermənistan silahlı qüvvələrinə məxsus olan və qoşunlarımızın mövqelərinə hücum edərkən vurulan “Mi-24” hərbi helikopteri Moskva Vertolyot Fabriki tərəfindən istehsal olunur.

Vətəninfo.az xəbər verir ki, 1969-cu ildə Mİ-24 ilk sınaq uçuşunu həyata keçirib. 1972-ci ildən isə istehsalına başlanılıb. Hazırda 50-dən çox ölkənin hərbi hava qüvvələrində istifadə olunur. NATO_da kod adı Hinddir. Rus pilotları isə ona “Uçan Tank” deyirlər. Bundan başqa onu Timsah da adlandırırlar.

Mİ-24 dünyada ilk hücum helikopteridi. Gövdəsi sağlam zirehlə təchiz edilib. 12.7 mm-lik zenit raket mərmisinə davamlıdır. Nüvə, qaz və kimyəvi maddələrə qarşı mühafizə olunub. 12.7 mm-lik bir topa malikdir, idarə olunan anti-tank mərmisi və 57 mm-lik raket ata bilir.

Təyyarə 8 nəfər ekipaj üzvü və yük daşıma imkanına malikdir. Çəkisi yüksüz 8.5 tondur. Uzunluğu 17.5 m, eni rotorla birlikdə 17.3 m-dir. İki pilot tərəfindən idarə olunur. Sürəti 345 km/s-dir.

Əsas silahı 12.7 mm-lik YKB-12.7 Yakuşev-Borzov çox lüləli pulemyotdur.

Qiyməti 8-12 milyon dollar civarındadı. ErmənistanOrdusunda bu helikopterdən 12 ədəd idi. Biri vuruldu, 11-i qaldı.