Ermənistanda elektrik enerjisi bahalaşacaq

“Ermənistan Elektrik Şəbəkəsi”nin külli miqdarda borcu var

Ermənistanda avqustun 1-dən elektrik enerjisi bahalaşacaq. APA-nın erməni mətbuatına istinadən verdiyi xəbərə görə, bu barədə iyunun 10-da Ermənistan parlamentində ictimai xidmətlərin tənzimlənməsi komissiyasının sədri Robert Nazaryan bildirib. 

Onun sözlərinə görə, qiymət artımı qaçılmazdır, əks təqdirdə “Ermənistan Elektrik Şəbəkəsi” çox mürəkkəb maliyyə vəziyyətində olacaq: hazırda qurumun borcu 16 mlrd 600 min dram təşkil edir. 

 “İnanın ki, cəmiyyətin etirazını dinləmək bizə heç də xoş deyil. Qiymətlər artmasa, 2-3 ildən sonra siz özünüz bizdən soruşacaqsınız ki, enerji sisteminin bu vəziyyətə çatmasına  necə yol verdiniz”, deyə Nazaryan bildirib. 

Vətəninfo.az