1. Miq.az
  2. "Ermənistanın cəbhə xəttində törətdiyi təxribatlar ATƏT PA-da qaldırılacaq"

"Ermənistanın cəbhə xəttində törətdiyi təxribatlar ATƏT PA-da qaldırılacaq"

Tarix: 03.09.2015 18:00
Baxış sayı: 950

ATƏT Parlament Assambleyasının (PA) payız sessiyasında Ermənistanın təmas xəttində son vaxtlar artan təxribatları və bu günlərdə Tərtər rayonunda toy mərasiminin atəşə tutulması məsələsi gündəmə gətiriləcək.
Bunu Azərbaycanın ATƏT PA-dakı nümayəndə heyətinin rəhbəri, Milli Məclisin sədr müavini Bahar Muradova deyib. O bildirib ki, Ermənistanın törətdiyi insidentlər bütün beynəlxalq təşkilatlarda qaldırılmalıdır və qaldırılır: "Son günlər artan təxribatlar, eləcə də Tərtərdə biri azyaşlı olmaqla, üç mülki vətəndaşın yaralanması ilə nətəcilənən silahlı basqın faktının ATƏT institutlarında qaldırılması vacibdir. Bunu gündəmə gətirəcəyik”.

 Qeyd edək ki, ATƏT PA-nın payız sessiyası sentyabrın 15-18-də Monqolustanın paytaxtı Ulan-Batorda keçiriləcək. Sessiyanın mövzusu "ATƏT ərazisində və ondan kənarda təhlükəsizlik problemlərinin həlli: regional əməkdaşlıqda parlamentlərin rolunun gücləndirilməsi” olacaq.

 Tədbirdə 57 dövlətin parlament təmsilçilərinin iştirakı planlaşdırılıb. ATƏT PA ilk dəfədir ki, Monqolustanda tədbir keçirir.

APA



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az