Flora Kərimova: “Məni həbs edəcəklər”

Xalq artistləri Flora Kərimova ilə İlhamə Quliyeva arasındakı qalmaqal səngimək bilmir.  Axşam.az-ın məlumatına görə, İ. Quliyeva həmkarını məhkəməyə verib.  Məhkəmənin qərarına görə xalq artisti qarşı tərəfə 3 min manat ödəməlidir.  Bu haqda ANS telekanalında yayımlanan “Şou biz” verilişinə danışan F. Kərimova pulu ödəyə bilmədiyini deyib: “Deyəsən, məni tutub türməyə salacaqlar. İlhamə Quliyeva məni məhkəməyə verib, tutdurmaq istəyir. Çox nahaq yerə mənə üç min manat cərimə yazılıb. Ayda 200 manat təqaüd alıram: 150 manat pensiya, 50 manat isə artistlik pulu. Qanuna görə, onun yarısını hər ay ödəməliyəm. Amma İlhamə deyir, bütöv ödəməlisən, mənim isə ona gücüm çatmır. Hardan alıram 3 min manatı?”.