"Fransa Qarabağ münaqişəsinin həlli üçün vasitəçilik səylərini qətiyyətlə davam etdirəcək"

"ATƏT-in Minsk Qrupunun həmsədri kimi Fransa Dağlıq Qarabağ münaqişəsinin həlli ilə bağlı vasitəçilik səylərini qətiyyətlə davam etdirəcək".

"Report" Ermənistan KİV-nə istinadən xəbər verir ki, bunu Müstəqillik günü münasibətilə Fransa prezidenti Fransua Ollandın Serj Sarqsyana göndərdiyi məktubda deyilir.

"Ümid edirəm ki, 2014-cü ilin oktyabrında Parisdə keçirilən iclasdakı irəliləyişlər məsələnin tezliklə həll olunmasına təkan verəcək", - məktubda deyilir.

Almaniyanın Federal prezidenti Yoahim Qauck da S.Sarqsyana göndərdiyi təbrik məktubuna Dağlıq Qarabağ münaqişəsinin tezliklə həll olunmasını arzulayıb.

Vətəninfo.az