Görkəmli operatorun yubileyi qeyd ediləcək

Tanınmış kinooperator, Xalq artisti, Lenin mükafatı laureatı, Türkmənistanın və Azərbaycanın Əməkdar incəsənət xadimi Cavanşir Məmmədovun 100 illik yubileyi qeyd ediləcək. Azərbaycan Dövlət Film Fondundan verilən məlumata görə, sənədli filmlərin mahir operatorunun yubiley tədbiri oktyabrın əvvəlində keçiriləcək.
Cavanşir Musa oğlu Məmmədov 1915-ci il oktyabrın 17-də Lənkəranda anadan olub. Aşqabad Kino Texnikumunu bitirdikdən sonra Aşqabad kinostudiyasında operator işləyib. Operator köməkçisindən xronikal filmlər üzrə I dərəcəli operator dərəcəsinədək yüksəlib. Müharibə illərində Mərkəzi Sənədli Filmlər Studiyasının operator qrupunda fəaliyyət göstərib. 
1950-1960-cı illərdə "Bakı” kinostudiyasında 12 sənədli film çəkib. Mərkəzi Elmi-Kütləvi Filmlər Studiyasında ("Sentrnauçfilm") "Kino səyahəti" almanaxının yaradıcılarından olub. Kinojurnallar üçün mindən çox süjet çəkib. 1954-cü ildə Kann festivalının və 1960-cı ildə Lenin mükafatının laureatı ("Xəzər neftçiləri haqqında dastan" sənədli filmi) olub. 1997-ci ildə Moskvada vəfat edib.
strateq.az