Dəyirmi masada çıxış edənlər Azərbaycan- Gürcüstan əlaqələrinin bütün sahələrdə yaxşı səviyyədə olduğunu qeyd etdilər.Vurğulandı ki, Gürcüstan regionda Azərbaycanın ən yaxın müttəfiqlərindən biridir, müstəqil dövlətlər kimi bütün sahələrdə fəal əməkdaşlıq edirlər. 

 

 "Azərkitab- Kitab Təbliğatı Mərkəzi”nin layihə rəhbəri Mirisrafil Sabir  Həsənov bildirdi ki, belə bir önəmli dəyirmi masanın "Azərkitab”da keçirilməsi  təsadüfi deyil, kitab mədəniyyəti ocağına  çevrilən Mərkəz geniş çeşidli ədəbiyyatın yayılmasından əlavə, tanınan yazıçılarla, görkəmli elm və mədəniyyət xadimləri ilə  görüşləri,  kitab  təqdimatlarını  yüksək səviyyədə təşkil edir.

 

 Azərbaycan Respublikakı Prezidenti Adminstrasiyası diaspora ilə iş üzrə bölmə müdürü  Qafar  Əliyev dəyirmi masanı yüksək qiymətlədirərək qeyd etdi ki, bu əlaqələr tarixi köklərə söykənir.Heç bir qüvvə də  bu əlaqələrin inkişafına mane ola bilməz. Vurğuladı ki, Ümummilli lider Heydər Əliyevin rəhbərliyi altında ölkəmizlə Gürcüstan arasında bütün sahələrdə əlaqələrin qorunması və inkişaf etdirilməsi sahəsində həyata keçirilən siyasi istiqamət yeni mərhələdə onun layiqli davamçısı Prezident İlham Əliyev tərəfindən uğurla davam etdirilir.

         

             

 Siyasi elmlər doktoru, professor Elman Nəsirli  dedi ki, Gürcüstanla mədəni əlaqələrimiz yüksək səviyyədədir. Gürcülərin multikulturalizm fenomeninə beynəlxalq təcrübə və Azərbaycan reallıqları kontekstində qiymət verməsi sevindiricidir. Millət vəkili multikulturalizmin Azərbaycan nümynəsinin üstün və  fərqli cəhətlərindən danışdı.

    

 Şirxan Adıgözəlov kitabının gürcü dilinə tərcüməsinin iki ölkə arasında mədəni əlaqənin çox yaxşı olduğundan irəli gəldiyini düqqətə çatdırdı. Azərbaycanda multikulturalizm, dinlərarası və mədəniyyətlərarası dialoq, tolerantlıq və harmonik etnik müxtəlifliyin özünəməxsus birgəyaşayış modeli formalaşmışdır. Dünya,o cümlədən gürcülər bu modeli öyrənməkdədir.

Gürcüstan Beynəlxalq Münasibətlər və Siyasi Elmlər Akademiyasının prezidenti Simon Kopadze bildirdi ki, Azərbaycan Gürcüstan üçün nəinki böyük layihələr, neft və qaz, eləcə də nəqliyyat sahəsində əməkdaşlıq, o cümlədən mədəniyyət, elm və fərdlər arasında münasibətlər baxımından olduqca vacibdir. Bu da digər sahələrdə olduğu kimi, mədəniyyət sahəsində də əməkdaşlıq əlaqələrimizin hərtərəfli inkişafına imkan yaradır.Gürcüstanlı alim Şirxan Adıgözəlovun tədqiqat əsərini yüksək dəyərləndirdi,  Gürcüstan araşdırmaçıları üçün kitabın bu sahədə qiymətli mənbə olduğunu qeyd etdi.

Dəyirmi masada Millət vəkilləri Fəttah Heydərov, Eldar İbrahimov, Rüfət Quliyev çıxış etdilər. Tədbirdə elmi ictimaiyyətin nümayəndələri, ziyalılar, yazıçılar, tədqiqatçılar  iştirak edirdi.