Gürcüstan - Rusiya yolu bağlanıb

Gürcüstandan Rusiyaya gedən avtomobil yolu yenidən bağlanıb. Yolda Azərbaycan, Türkiyə, İran və digər ölkələrdən 100-dək minik və yük avtomobili dayanıb.

Gürcüstanın Regional İnkişaf Nazirliyinin məlumatına görə, yolun bağlanmasına güclü qar nəticəsində dağlarda yaranan uçqun və dağıntılar səbəb olub. Hazırda nazirliyin və digər əlaqədar təşkilatların strukturları yolda təmir-bərpa və təmizlik işləri aparırlar. Havaların kəskin soyuması, bəzi ərazilərdə yağan yağış, sulu qar və qar işləri bir az da çətinləşdirib.

Gürcüstan polisi yollarda qalan və ehtiyacı olan sürücü və sərnişinlərə müvafiq yardımlar göstərir.