“Hələ bu İran əllamələrinə baxın...”

Deputat Fazil Mustafa Ramazan bayramı, daha dəqiq desək, bayram namazının vaxtı ilə bağlı fərqli yanaşmalardan doğan mübahisələrə dair fikirlərini paylaşıb.

F.Mustafa bununla bağlı şəxsinə yönəlik ittihamlara cavab verib.

Vətəninfo.az Virtualaz.org-a istinadla F.Mustafanın öz facebook səhifəsində paylaşdığı fikirlərini olduğu kimi təqdim edir:

"Bu İranın əllamələrinə baxın, oradan-buradan sitatlar tapıb bizə göndərirlər ki, bəs, Səudiyyədə belə səhv ediblər, Türkiyədə belə səhv ediblər.

Nə səhv ediblər, hamısı da dobra-dobra bayramlarını vaxtında keçiriblər. Guya bunların sahibləri günü təyin edəndə astronomiyanı öyrənib addım atıblar. Sadəcə baxıblar ki, ağaları hansı günü deyib, o günü də bayram edirlər. Ötən il də rəsədxananın dediyindən fərqli gün təyin olundu, niye səsiniz çıxmadı? Bu, mahiyyətcə bir şeyi dəyişmir, ancaq öz ölkəsini İranın yedəyində süründürmək istəyənlərin bir daha iç üzünü açır”.