Müğənni Yaşar Yusub Qırğızıstanda keçirilən ikinci "Meykin-Asiya” beynəlxalq festivalda Azərbaycanı təmsil edəcək. Vətəninfo.az SİA-ya istinadla xəbər verir ki, bu barədə festivalda münsif olan azərbaycanlı müğənni Roza Zərgərli məlumat verib. O, bildirib ki, müsabiqənin seçim turlarının nəticələrinə əsasən müğənni Y,Yusub Azərbaycanı mötəbər yarışda təmsil etmək hüququ qazanıb: "Artıq bu gün axşam Qazaxıstana yola düşürük. Sabah isə müsabiqə başlayacaq. Festivalda Asiya və Avropanın ən yaxşı ifaçıları ilə bərabər, Azərbaycanın, Türkiyənin, Rusiyanın, Cənubi Koreyanın, Çinin və Yaponiyanın təmsilçiləri iştirak edəcək. Azərbaycanlı təmsilçi Yaşar Yusubun bu yarışda iştirakını isə "Ben prodakşn” seçib. Düşünürəm ki, onun bu yarışdakı çıxışı möhtəşəm olacaq”.