İntihar edən tələbə qız - Heç kəsə qaynayıb-qarışmırdı

Türkan Həsənzadə sakit bir tələbə idi. Heç kəsə qaynayıb-qarışmırdı.

Vizual.azxəbər verir ki, bu sözləri Axar.az-a Azərbaycan Tibb Universitetinin mətbuat katibi Günel Aslanova özünü yaşadığı binanın damından atan tələbə haqda danışarkən deyib.

Onun sözlərinə görə, Türkan əvvəllər yaxşı oxuyan, fəal tələbə olub:

"Əslində, təhsilini başa vurub. Sadəcə, sonuncu il akademik borcları yarandı və təzədən universitetə gedib-gəlirdi. Əvvəllər yaxşı oxuyardı, axırıncı il isə çox passivləşdi. Tələbə yoldaşlarına da bir o qədər qaynayıb-qarışmazdı. Ona görə niyə intihar etməsi haqda hələ məlumatımız yoxdur”.

Qeyd edək ki, APA paytaxtın Nizami rayonunda tələbə qızın intihar etdiyi xəbərini yayıb.

Rayon sakini, 1993-cü il təvəllüdlü Türkan Eldar qızı Həsənzadə özünü yaşadığı binanın damından atıb. O, aldığı xəsarətdən hadisə yerindəcə ölüb.