İranlı zəvvarların ölümü ilə əlaqədar xatirə kitabı açılacaq

 İranın Azərbaycandakı səfirliyində bu il Həcc mövsümü zamanı xeyli iranlı zəvvarın Minada baş verən faciədə ölümü ilə əlaqədar xüsusi xatirə kitabı açılacaq.

Vətəninfo.az xəbər verir ki, səfirlikdən "Report"a verilən məlumata görə, xatirə kitabı sentyabrın 30-u və oktyabrın 1-i saat 10.00-dan 16.00-a qədər açıq olacaq.

Xatırladaq ki, sentybarın 24-ü Məkkənin Mina vadisində şeytanı daşlamaq mərasiminə gedən zəvvarlar arasında izdiham baş verib, nəticədə də 717 nəfər həyatını itirib. Onların arasında təxminən 220 nəfər İran vətəndaşı olub.