İş adamının oğlunu oğurlayan dəstə tutulub

Bir ay əvvəl Rusiyanın paytaxtında iri bizneslə məşğul olan şəxsin 26 yaşlı oğlunu oğurlayan dəstə zərərsizləşdirilib.

Vətəninfo.az məlumat verir ki, Modern.az-ın Rusiya KİV-nə istinadən verdiyi xəbərə görə, xüsusi əməliyyat Moskva ətrafındakı Solneçnoqorski rayonunda, cinayətkarların oğurladıqları şəxsi gizlədib buraxılması üçün 10 milyon dollar tələb etdikləri yerdə keçirilib.
Polislər əməliyyat zamanı Azərbaycan vətəndaşı olan 29,46 və 48 yaşlı üç kişini tutublar. İş adamının oğlu əməliyyat zamanı xəsarət almayıb, ancaq deyib ki, oğurlayanlar əgər tələb olunan məbləğ ödənilməsə, onu daima döyərək öldürəcəkləri ilə hədələyiblər.
Həbs olunan Azərbaycan vətəndaşlarından tapança da götürülüb.  Faktla bağlı cinayət işi qaldırılıb. İstintaq onların Moskvada və vilayətlərində analoji cinayət törədib-törətmədiklərini də araşdırır.