Kikboksinq üzrə 18-ci Azərbaycan çempionatı başlayır

Azərbaycan Kikboksinq Federasiyasını baş katibi Rüstəm Rüstəmovun “Vətninfo”ya verdiyi məlumata görə, sabah Bakıda Kikboksinq üzrə 18-ci Azərbaycan çempionatı keçiriləcək. Baş katibin sözlərinə görə çempionatda 480 idmançı iştirak edəcək ki, bu idmançıların əsas hissəsi Azərbaycanın bölgələrini təmsil edirlər. Yarışa böyüklərlə yanaşı azyaşlı idmançılar (Kadetlər) da qatılacaqlar: “Cənab prezident İlham Əliyevin idmana qayğısı göz önündədir. Bildiyiniz kimi dövlət başçısı 2012-ci ili idman ili elan edib. Bunun nəticəsidir ki, gənclərimizin idmana marağı günü gündən artmaqdadır. Azərbaycan Kikboksinq Federasiyasının prezidenti, millət vəkili Adil Əliyev də idmançılara daim qayğı göstərir. Bu qayğının nəticəsidir ki, Kikboksinq Federasiyası inkişaf edir. İdmanşılarımız çoxsaylı uuğurlar qazanırlar. Əminik ki uğurlarımız davamlı olacaq. Mayın 1-dən 10-nadək Braziliyada  dünya kuboku keçiriləcək. Həmin yarışda Azərbaycanın kinboksinq üzrə milli mkomandası iştirak edəcək. Mayın 16-da isə Macarıstanın Jeget şəhərində kinboksinq üzrə dünya kuboku keçiriləcək. Həmin yarışa da kikqboksinqçilərimiz qatılacaqlar”.