Lionel Messidən super rekord!

"Barselona"nın argentinalı ulduzu Lionel Messi İspaniya çempionatının son turunda «Malaqa»nın qapısından 3 qol keçirməklə fantastik rekorda imza atıb. “Vətəninfo” Rusiya KİV-nə istinadən xəbər verir ki, bu het-trik Messiyə bir mövsümə vurulmuş qolların sayına görə Herd Müllerin «əbədi rekord»unu geridə qoymağa imkan verib. Əfsanəvi alman hücumçu 1972/73 mövsümündə 67 qola imza atmışdı. Messidə isə bu rəqəm 68-ə çatıb. Dünənki matçda Messi mövsümdə imza atdığı het-triklərin sayına görə «Real»ın ulduzu Kriştianu Ronalduya da çatıb. İndi onların hər ikisinin aktivində bu mövsüm İspaniya çempionatında 7 het-trik var.