Ülvi beynəlxalq turnirin qalibi oldu

Rumıniyanın Arad şəhərində 1-3 yerləri bölüşdüyü uğurlu turnirdən sonra Ülvi Bacarani Belçikanı fəth etməyə yollanıb.

Brashat şəhərində keçirilən turnir məşhur adlarla zəngin olmasa da gözəl ənənələrə malikdir. Turnirin startına 152 şahmatçı, o cümlədən də 8 ölkədən 5 qrossmeyster və 5 beynəlxalq usta çıxdı.

Start siyahısında Ülvi Bacarani rumıniyalı Levanta Vaydadan (2572) sonra ikinci olub.

Məhz son turda onlar arasında çempion adı almaq uğrunda mübarizə gedirdi. Favoritin ağ fiqurlara və aktivində 0,5 xal çox olmasına baxmayaraq gənc azərbaycanlı qrossmeysterə qalib gələ bilmədi.

9 partiyadan 7,5 xal toplayaraq yerlimiz yaxşı göstəricilərə görə turnirin əsas mükafatına layiq görülüb.oxu.az