Mağazada baş verən qətlin üstü açıldı

Münaqişə zəminində Şəmkir şəhər sakinini qətlə yetirənlərin şəxsiyyəti müəyyən edilib.

Daxili İşlər Nazirliyinin (DİN) mətbuat xidmətindən Vətəninfo.az-a verilən məlumata görə, noyabrın 24-də Şəmkir şəhərində şəhər sakini Firuz Zamanova məxsus mağazaya gəlmiş şəxsiyəti məlum olmayan 2 nəfər münaqişə zəminində onu bıçaqla qətlə yetirib hadisə yerini tərk ediblər.

Şəmkir RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisənin Şiştəpə kənd sakinləri Laçın Məmmədov və Anar Qurbanov tərəfindən törədilməsi müəyyən edilib.

Faktla bağlı Şəmkir RPŞ tərəfindən əməliyyat-axtarış tədbirləri aparılır.