Rusiyanın baş naziri Dmitri Medvedev Ermənistan hökumətinin Azərbaycana Rusiya silahının satılmasına dair şikayətinə məhəl qoymayıb. 

Miq.az azvision.az-a istinadən bildirir ki, bu barədə Ermənistanın "Hrapark" qəzeti məlumat yayıb.

"Ovik Abraamyan və Dmitri Medvedevin görüşündən sonra "Paravon" restoran kompleksində baş tutan naharda nazirlər Vaçe Qarnielyan, David Arutyunyan, Levon Yolyan da olublar. Daha sonra Medvedev Tsrukyanın "Multi Qrant" otelində gecələyib. Nahara qədər Abraamyan ona Azərbaycanın hərbi əməliyyatlara Rusiya silahlarını istifadə edərək başladığını deyib, amma rusiyalı baş nazir susaraq mövzudan yan keçib", - qəzet yazıb.