Məlum olduğu kimi, Gəncə olaylarında bəzi qüvvələrin sosial şəbəkələr vasitəsi ilə insanlara müraciət edərək onları iğtişaşa, qarşıdurmaya dəvət edib. Hansı ki, bu şəxslərlə bağlı hüquq-mühafizə orqanlaırnda genişmiqyaslı araşdırma aparılır. 

Moderator.az-a açıqlama verən millət vəkili S.Novruzov vurğuladı ki,  Gəncə olayları sosial şəbəkələrə nəzarəti gücləndirməyin nə qədər vacib olduğunu bir daha göstərdi:

"Mən bu hadisələri görürdüm. Sosial şəbəkələrdə hələ "ərəb baharı” dövründə müəyyən çağırışlar olunurdu. Bilinmirdi ki, bu çağırışları edən kimdir. Tutaq ki, Ermənistanda Azərbaycan dilini bilən hansısa qüvvələr bu çağırışları edir. Yaxud bizi istəməyən hansısa bir dövlət, onun nümayəndələri bu cür çağırışlar səsləndirir. O baxımdan da mən belə bir təklif vermişdim ki, istənilən çağırış edən şəxs şəxsiyyət vəsiqəsini təqdim etsin, bundan sonra müraciət etsin. Qadın kişi şəkli, kişi qadın şəkli ilə çağırış edir. Başqa adlar altında yazırlar. Kimisə təhqir edir, dövlət çevrilişinə çağırış edirlər və s. 

Hüquq-mühafizə orqanları bu məsələ ilə əlaqədar cinayət işi qaldırıblar. Dövlət çevrilişinə cəhdlə bağlı çağırışlara görə bir qrup şəxsin məsuliyyəti məsələsi gündəmdədir. Onların axtarışı və ölkəmizə gətirilməsi ilə əlaqədar artıq aidiyyatı strukturlara müraciət olunub.