Bu gün, yəni iyulun 17-də Ağdam Dövlət Dram Teatrı mövsümün son tamaşasını oynayıb.Teatrın səhnəsi unudulmaz sənətkarımız, Azərbaycan realist dramaturgiyasının banisi  Cəfər Cabbarlının "Aydın” tamaşasına verilib. Gənc nəslin nümayəndələrindən ibarət tamaşaçı auditoriyasıda zalı ağzınacan doldurub.

 Ağdam Dövlət Dram Teatrı müharibənin odundan, alovundan keçməklə çətin və əzablı yollar qət edib. Bütün çətinliklərə baxmayaraq teatrın keçmiş ənənələrini qoruyub saxlamağı bacarıblar. Bu günkü yüksək performans, musiqi tərtibatı, aktyor və rejissor peşəkarlığı ilə teatr gözəl oyun nümayiş etdirib.

Sonda Ə.Haqverdiyev adına Ağdam Dövlət Dram Teatrının direktoru Məhəmməd Hüseynov bildirib ki, bu il yaradıcılıq baxımından Ağdam Dövlət Dram Teatrı üçün uğurlu olub."Teatrın aktrisası Fəqumə Yusifova Prezidentin sərəncamı ilə Respublikanın Əməkdar Artisti adına layiq görülüb. Əməkdar artist, Prezident təqaüdçüsü Novruz Cəfərov teatra baş rejissor təyin ediləndən sonra uğurlarımız bir az da artıb. Bu günkü tamaşanın özü uğurlarımızın bariz nümunəsi sayıla bilər”

"Ağdam Dövlət Dram Teatrı tamaşalarını göstərməklə yanaşı rayonun mədəni həyatında da fəal iştirak edib. Bütün tarixi günlərin qeyd olunması, ümummilli bayramlar, Yeni il, Dədə Qorqudla bağlı tədbirlərin bədii hissəsinin təşkilində teatrımız öz töhfəsini verib. Hərbçilər üçün ayda bir gün pulsuz teatr elan olunub. Hərbçilər gəlsə onlara tamaşa oynuyarıq”-deyə Məhəmməd Hüseynov əlavə edib.

Ağdam teatrı mövsumə yekun vurmaqla tamaşaçıları ilə xüdafizləşib. Tamaşaçılarından  yeni mövsümdə görüşmək arzusu ilə ayrılıb.