“Neftçi” “Hapoel”ə qarşı

Bu gün Çempionlar Liqasında III təsnifat mərhələsinə yekun vurulacaq.

“Vətəninfo.az” xəbər verir ki, “Neftçi”nin “Hapoel”lə ev oyunu ilə turnirdə çıxışını başa vuracağı gözlənilir. Çünki səfərdə qeydə alınan nəticə çempionumuzu çox çətin vəziyyətdə qoyub. Hər halda, 0:4 hesablı məğlubiyyətin əvəzini çıxmaq istənilən komanda üçün asan məsələ deyil və lazım olan nəticənin qazanılmağı erkən qollardan, ilk hissədə qeydə alınan hesabdan çox asılı olacaq. 

“Neftçi” Avropanın ən nüfuzlu turnirində çıxışını başa vurmağını rəsmiləşdirərsə, mübarizəni Avroliqada davam etdirib, orada qrup mərhələsinə düşməyə çalışacaq. Həmin yarışda son təsnifat mərhələsi matçları isə avqustun 23-də və 30-da keçiriləcək. 

Çempionlar Liqası, III təsnifat mərhələsi

Cavab oyunu

8 avqust

21:00. “NEFTÇİ” (AZƏRBAYCAN) – “HAPOEL” (İSRAİL) 

Baş hakim: Martin Stromberqsson (İsveç)

Bakı. “Dalğa Arena” stadionu

İlk oyun – 0:4