Qarabağ müharibə veteranı, Prezident təqaüdçüsü və 2-ci qrup hərbi əlil, Balayev Akif Şahrza oğlu tərəfindən

21.05.2016-cı il tarixdən müraciətimə cavab verilmir. Bildirmək istəyirəm ki, mən 13 noyabr 1971-ci ildən 29 aprel 1972-ci ilədək SSR Silahlı Qüvvələrdə müddətli həqiqi hərbi xidmət etmişəm, 29 aprel 1972-ci ildə xəstəliklə əlaqədar olaraq hərbi xidmətdən ehtiyata buraxılmışam. 26 noyabr 1993-cü ildən 29 dekabr 1994-cü ilədək N saylı hərbi hissənin tərkibində hərbi xidmət keçmişəm. 23.01.1994-cü ildə Azərbaycan Respublikası ərazi bütövlüyü uğrunda gedən döyüşlərdə ağır yaralanmışam və ehtiyyata buraxılmışam. 2-ci qrup Qarabağ müharibə əliliyəm. Təqribən may-iyun 2016-cı il tarixdə SHXÇDX-in rayon idarəsindən mənə şəxsi iş açılıb Müdafiə Nazirliyinin Maliyyə və Büdcə İdarəsinə göndərilmişdir.

Əsas göstərilmişdir ki, mən Sovet Ordusunda iki il tam xidmət etməmişəm, hesab edirəm ki, bu mənə qarşı bir əsassız bir mövqedir, belə ki, mən xəstəliklə əlaqədar Sovet Ordusundan təxris olunmuşam. 

Hərbi xidmətə yararsız olmağıma baxmayaraq 41 yaşında Vətənim Azərbaycan Respublikasının dar günündə müdafiəsinə qatılmışam və güllə yarası almışam.

Sizdən xahiş edirəm ki, Müdafiə Nazirliyinin Maliyyə və Büdcə İdarəsi tərəfindən məlumat vərəqimin tərtib edilməsinə və Dövlət Sosial Müdafiə Fondunun Hərbi Qulluqçular və Xüsusi Rütbəli Şəxslərlə iş Departamentinə göndərilməsinə köməkdarlıq edəsiniz.