Qazax xanlığının 550 illiyi bayram ediləcək

Qazax xanlığının 550 illiyinin bayram edilməsi çərçivəsində Astanada irimiqyaslı mədəniyyət tədbirləri keçiriləcək.

Əsas təntənələr "Қазақ Елі" abidəsinin qarşısındakı meydanda olacaq.

Abidənin qarşısındakı ərazi sentyabrın 11-dən 13-dək böyük bayram etnoauluna çevriləcək. Meydanda Qazaxıstanın bütün regionlarının iştirakı ilə xalq gəzintiləri təşkil olunacaq.

"Қазақ Елі" meydanında 50 alaçıq, iki böyük səhnə, idman meydançaları, altıbakan yelləncəkləri, tayqazanlar və s. quraşdırılacaq. Etnoaulda milli idman növləri üzrə yarışlar təşkil ediləcək.

Sentyabrın 11-də Astananın "Barıs” buz kompleksində Qazax xanlığının 550 illiyinə həsr edilmiş teatrlaşdırılmış konsert olacaq. Tamaşa üzərində bütövlükdə 2,5 mindən çox adam işləyib.