"Qalatasaray"-"Yuventus" qara görə 31 dəqiqə çəkdi

Maç təxirə salındı

Çempionlar Liqasının son turunda oynanan "Qalatasaray"-"Yuventus" İstanbula güclü qar yağmağa başlaması üzündənmatçın 31-ci dəqiqəsində yarımçıq dayandırılıb.

Oyunu dayandırmaq qərarını UEFA komissarı ilə məsləhətləşən hakimlər briqadası verib. Oyunun portuqaliyalı baş hakimi meydandakı xətləri görə bilməyincə oyunu dayandırıb. Onun oyunu rəngli topla davam etdirmək səyləri də nəticəsiz qalıb.

Əvvəlcə stadionun texniki işçiləri ot örtüyünü sürətlə bürüyən qarı təmizləməyə çalışıblar. Amma güclü qar onların bu səylərini heçə çıxarıb. Beləliklə, "Qalatasaray"-"Yuventus" oyunu dayandırılıb və başqa vaxta təxirə salınıb. Oyunun nə vaxt keçiriləcəyi hələ bilinmir. Bu haqda əlavə məlumat veriləcək. 31-ci dəqiqədə yarımçıq dayandırılan oyunda hesab 0:0 idi