Rafet El Roman Bakıya gələ bilmədi

Türkiyəli müğənninin konserti təxirə salınıb

Tanınmış türkiyəli müğənni Rafet El Romanın sabah Azərbaycanda verəcəyi konsert təxirə düşüb. Vətəninfo.az xəbər verir ki, bu barədə lent.az-a konsertin təşkilatçısı Nahid Emiloğlu məlumat verib. O bildirib ki, müğənninin vizasında problem olduğuna görə, Bakıya gələ bilməyib: “Bildiyiniz kimi, Rafet El Roman Almaniya vətəndaşıdır. Bakıya oğlu ilə gəlməyi planlaşdırırdı. Viza məsələsində problem yaranıb. Buna görə də bu gün Azərbaycana gələ bilməyəcək. Konserti iyunun 28-nə saat 21:00-a qədər təxirə saldıq. İstəyirik ki, konsert şənbə gününə düşsün. İyunun 7-nə alınan bütün biletlər iyunun 28-i üçün keçərli olacaq”.

Xatırladaq ki, aparıcısı Zaur Nəbioğlunun olduğu gecədə türkiyəli müğənni ilə eyni səhnəni azərbaycanlı müğənni Günay İbrahimli də paylaşacaqdı. 
Qeyd edək ki, konsertə biletlərin qiymətləri 70-200 manat idi.

Vətəninfo.az