Sabiq deputatın evi qarət olundu - 10 min manatlıq qızıl əşyaları oğurlandı

Miq.az xəbər verir ki, Qulamhüseyn Əlibəyli faktı avropa.info-ya təsdiqləyib.
Partiya sədri hadisənin konkret olaraq hansı gündə baş verdiyini bilmədiyini deyib.
Onun sözlərinə görə, qarət onun yaşadığı Yasamal rayonu F.İbrahimbəyov küçəsi bina 12-də baş verib.

O bildirib ki, ailə üzvlərimizlə birlikdə avqustun 3-dən 6-dək evdə olmamışıq və yəqin ki, hadisə də bu dövrdə olub.
Q.Əlibəyli deyib ki, evindən təqribən 10 min manat dəyərində qızıl-zinət əşyaları oğurlanıb: "Hadisə ilə bağlı Yasamal RPİ-nin 27-ci Polis Bölməsinə məlumat verilib və istintaq əməliyyatı gedir".
Oğru və ya oğrular mənzilə eyvandan daxil olublar.