Sarkisyana yeni ittiham

Ermənistanın müxalifətçi “İrs” partiyasının lideri Raffi Ovanisyan Ağdam üzərində Ermənistan ordusunun helikopterinin vurulmasında erməni tərəfini günahlandırır.

ANS PRESS-in məlumatına görə, Ovanisyan bu gün keçirdiyi mətbuat konfransında bildirib ki, helikopterin Azərbaycan ordusunun 150 metrliyində keçirilən təlimlərə göndərilməsi böyük səhv idi.

“Bu məsələ qaldırılıb və buna cavab verilməlidir”, - deyə Raffi Ovanisyan vurğulayıb.

“İrs” lideri daha sonra bildirib ki, Ermənistan ordusunun Mİ-24 helikopteri Rusiya silahı ilə vurulub və bunun üzərində də düşünmək lazımdır.