KONKRET.az xəbər verir ki, Qarabağdakı qondarma qurumun "partiya sədri” Artur Osipyan Facebook sosial şəbəkəsində separatçıları Xankəndinin mərkəzinə toplaşmağa və Laçın dəhlizində quraşdırılmış Azərbaycan nəzarət-buraxılış məntəqəsinin yığışdırılmasını tələb etməyə çağırıb.

Osipyan canlı yayımda deyib ki, Rusiya sülhməramlıları "Arsax” xalqını aldadır, onlar keçid məntəqəsində azərbaycanlıların olmadığı və heç bir zaman  da olmayacağı barədə yalan deyir.

"İnsanlar keçid məntəqəsinə gəlib görürlər ki, onları azərbaycanlılar yoxlayır. Bu, artıq sondur. Biz susmamalıyıq və orada azərbaycanlıların keçid məntəqəsi olmasına icazə verməməliyik. Bu o deməkdir ki, "Arsax” camaatı əziləcək, qadınları Bakıya aparılacaq. Burada başqa cür düşünmək yoxdur, biz xalq mübarizəsinə başlamalıyıq. Biz ruslardan, Ermənistandan, bizim "hakimiyyət”dən nə baş verdiyini, onların planlarının nə olduğunu öyrənməliyik. Biz məcbur etməli və hamıdan tələb etməliyik ki, Laçın dəhlizində Azərbaycanın heç bir keçid məntəqəsi olmasın”, – Osipyan deyib.

Daha sonra, erməniləri döyüşə hazır olmağa və mitinqə gəlməlidirlər.

"O nəzarət-buraxılış məntəqəsi oradan götürülməlidir. Dəhliz Rusiyanın nəzarəti altında olmalıdır. Bu məsələ ətrafında birləşək, gücümüzü, imkanlarımızı bu işə verək”, – Osipyan çərənləyib.