Sərkisyan Azərbaycanı müharibə ilə hədələdi: “Sürprizlər gözləyin…”

“Azərbaycanlıların bizim itkilərin hesabını necə ağır ödədikləri, ödəməkdə davam etdikləri və bundan sonra da ödəyəcəkləri heç kimdə şübhə doğurmur. Hər insidentə cavab verilib və bundan sonra da veriləcək.

Bu yaxınlara qədər bizim cavab addımlarımız forma baxımından simmetrik, itki baxımından isə asimmmetrik idi. İndi isə cavablar forma baxımından da asimmetrik olacaq. Gözü qızmış adamlar sürprizlər gözləməlidir. Bundan əlavə, sərhədlərimizin yaxınlığında və təmas xətti boyunca bizə təhlükə törədəcək qədər qüvvə cəmlənəcəyi təqdirdə biz preventiv zərbələr endirmək hüququmuzu özümüzdə saxlayırıq. Düşmənin avantürizmi bizi ağır zərbələr endirmək yolu ilə getməyə məcbir edir”.

Virtualaz.org saytı xəbər verir ki, bu bəyanatla Ermənistan prezidenti Serj Sərkisyan çıxış edib. O, Ermənistan Müdafiə Nazirliyinin kollegiya iclasında çıxış edib. Ermənistan prezidenti deyib ki, onun masası üzərində bütün mümkün variantlar var: “Qarşı tərəflə danışıqları soyuq başla apara bilərik və buna borcluyuq. Əks halda biz sülhü qəbul etdirməyə məcburuq”.