Şirvanda avtoxuliqanlıq edən sürücü kanala düşdü - VİDEO

Hadisə şəhərin Heydər Əliyev prospektində, Baş Şirvan Kollektorunun üstündən keçən körpüdə baş verib

Şirvanda avtoxuliqanlıq edən sürücü sonda qəza törədib. Vətəninfo.az ANS TV-ə istinadən xəbər verir ki, hadisə şəhərin Heydər Əliyev prospektində, Baş Şirvan Kollektorunun üstündən keçən körpüdə baş verib. Şəhər sakini 23 yaşlı Hüseynov Fərid Ağakişi oğlu idarəetdiyi “Renault” markalı maşınla sözü gedən prospektlə hərəkətdə olub. Onun yüksək sürətlə avtomaşın idarəetmə həvəsi, sonda minik avtomobilinin nəzarətdən çıxmasına səbəb olub. Nəticədə avtomobil 9 metrlik körpünün beton və metal sədlərini dağıdaraq kanala düşüb.

Sürücü Fərid Hüseynov və onun sərnişin 28 yaşlı Mübariz Nağıyev kanala düşən maşından üzərək xilas ola biliblər.

Qəzanın baş vermə səbəbi Şirvan Rayon Polis Şöbəsində araşdırılır.

Vətəninfo.az